不萊梅博大“慕”

    周六凌晨冇乜好戲碼，祇有德甲與西甲各一場。講競爭性，慕遜加柏對雲達不萊梅較有睇頭，今日就介紹呢場德甲畀大家。

    慕遜加柏目前排第六，仍有機會爭上前四，趁有主場之利，必會全力搶足三分。雲達不萊梅正處於降班邊緣，搶呢三分更為重要，搏命程度絕不低於對手。正是兩隊各有所求，肯定拼個你死我活。

    慕遜加柏在歇冬後兩戰全敗，主場不敵多蒙特當係技不如人；但輸畀緬恩斯，反映球隊狀態仍未操起。且球隊目前又受到傷兵困擾，杜明古斯、達賀特、贊迪斯基、靴爾文、舒卓斯及薩卡等多名主力都要缺陣，整體戰力削弱至少五成。就算今仗有主場之利，慕遜加柏亦未必佔得優勢，要讓波更唔值得考慮。

    雲達不萊梅雖然排尾三，但歇冬後的兩場大打爭氣波，取得一勝一和，作客擊敗史浩克○四，更贏得清脆俐落。論發揮，一定比慕遜加柏當“弗”。之前一場德國盃，不萊梅作客四比三淘汰慕遜加柏，今場初盤慕遜加柏仲要讓半球／一球，捧硬雲達不萊梅。

    推介：和波1:1