巴塞獵“蝠”行動

    西班牙盃今晚展開四強首回合決戰，明晨先有巴塞羅那與華倫西亞打頭陣。

    由於巴塞先主後客，今仗誓必搶得領先優勢，以免踢作客較難踢。球隊剛剛在西甲殺敗勁敵馬體會，正式坐正“一哥”之位，氣勢十足。雖然對手亦具有一定戰鬥能力，但以巴塞超雄厚實力，正路根本都未將“蝙蝠軍”放在眼內。只要踢出“地上最強”風格，首回合應可先拔頭籌。

    華倫西亞在八強對住實力次一班嘅拉斯彭馬斯，能夠過關真係大話夾好彩，輸勢贏波認真驚濤駭浪。對住護級分子都踢得咁辛苦，今場對住超班嘅巴塞，“蝙蝠軍”想飛出魯營球場都難。初盤巴塞羅那讓兩球半，似乎太過兇狠；不過，都要照捧巴塞波盤全收。

    聯賽首循環巴塞作客被“蝙蝠軍”逼和一比一，全場形勢當然又係巴塞控制大局，控球率超過七成以上，攻門與中目標次數同樣佔優。“蝙蝠軍”有地頭之利都毫無優勢，證明與巴塞仍有實力上距離。今場首回合仲要踢作客認真“老危”，巴塞做主必定大開殺戒。

    推介：巴塞羅那3:0