兵工廠朝“聖”唔易

    阿仙奴近三場聯賽連失七分，已由榜首跌到落第三，爭標形勢又變得被動。明晨英超加開快車，阿仙奴將會主場迎戰修咸頓，兵工廠確不容再失，不過對手“聖徒”近期狀態極佳，整體發揮相當穩定，兵工廠要全取三分並非容易。初盤阿仙奴讓半球/一球，睇返兩隊近四次對賽，修咸頓取得三勝一負，今季首循環更加四球爆“廠”，阿仙奴又何來必勝可言，一於捧修咸頓可保住不敗走出酋長球場。

    上次作客修咸頓慘吞四蛋，阿仙奴應該輸得心服口服，全場攻門次數修咸頓多一倍，兵工廠整場表現確係全季踢得最差嘅其中一場，可想而知球隊發揮確係定性不足，正如前三場聯賽一樣，未能保持應有強勢，要爭奪英超冠軍認真困難重重，希望有山齊士復出，可以衝擊球隊士氣。

    由朗奴高文領軍嘅修咸頓確實不能睇小，無論進攻與防守都有一定結構，近三場全勝兼一球不失，其中殺敗曼聯更贏得精彩絕倫，球隊正向歐戰目標進發，今場絕不會棄械投降。

    推介：和波2:2