蝙蝠軍“拉”唔起

    西班牙盃八強明晨上演第二回合，拉斯彭馬斯再戰華倫西亞。

    唔好以為拉斯彭馬斯在西甲係護級分子，華倫西亞就排中游位置，雙方實力就有很大差距。實際上，拉斯彭馬斯嘅整體踢法並非雜亂無章，無論個人技術抑或組織配合，確係有板有眼。反而睇過華倫西亞近幾場表現，個人級數的確有，但講到互相配合，似乎不及拉斯彭馬斯咁有互動性。其實雙方在聯賽及首回合對戰都踢成一比一，證明“蝙蝠軍”根本冇絕對把握可以取勝對手，何況前兩場都係華倫西亞主場，今次輪到拉斯彭馬斯做莊，相信會有一定優勢。初盤平手，不妨直博拉斯彭馬斯坐和望贏。

    拉斯彭馬斯剛在聯賽護級戰不敵利雲特，士氣受到一定影響。不過，呢班波鬥心相當頑強，可能知恥近乎勇，希望聯賽還聯賽，盃賽繼續發憤圖強，望能射殺“蝙蝠軍”殺入四強。

    華倫西亞近期狀態亦一般，連續三場都只能幾經艱苦迫和對手，且踢作客屬於弱項，十一場聯賽僅兩勝三和六負，今場實在捧唔過。

    推介：拉斯彭馬斯1:0