兵工廠難讓“車”

    英超今晚上演焦點大戰，榜首阿仙奴火併車路士，呢兩支倫敦死敵今戰各有所需。

    阿仙奴要重奪英超冠軍，目前確係有利形勢，不過能否帶到尾，真要下回分解，最緊要過到今場呢一關先講。因為面對車路士，阿仙奴始終係弱者，近十次碰頭，阿仙奴只贏過一次社區盾，其餘九戰輸六場和三場，確實畀“車仔”食住。就算今季對手死晒火，但爛“車”都有三斤釘，戰力依然不容忽視，兵工廠要贏波談何容易。

    車仔由軒迪克接手後，唔算有太大起色，但戰意及鬥心明顯加強，只係幾時可以全部返晒嚟。要真正作戰，車仔邊隊都未驚過。初盤阿仙奴讓半球，讓“卒”還可以，讓“車”？絕對讓唔起囉！兩隊首循環交鋒經已踢出火花。不過，雲格今次唔係對住老摩，應該冇咁火爆。至於今場勝負關鍵，相信在於球員場上比賽心態。阿仙奴目前壓力重大，每一分得失都極之重要，唔驚李斯特城都驚曼城後來居上。相反，車仔會降班咩？壓力唔大放鬆踢，阿仙奴主場都幾難贏到車仔。

    推介：和波2:2