里昂主場迎戰馬賽

    法甲再有好戲上演，里昂今晚坐鎮主場迎接馬賽的挑戰，雖然兩隊實力差唔多，但里昂主場防守表現穩陣，今晚有望穩中求勝，高奏凱歌。

    里昂今季表現雖然比去年遜色，但整體表現不算太差，上次主場擊退特魯瓦，終結主場兩連敗，今次再次主場出擊，絕對有機會“添食”。以拿卡錫迪為首的前線，即使季初表現出色的費基亞受傷“長唞”，但十次主場出戰仍能攻入十六球，絕對值得一讚。拿卡錫迪個人交出的七個聯賽入球當中，其中六個在主場攻入，加上近況回勇的比奧禾爾，定必為馬賽的防線帶來壓力。

    馬賽今季的表現同樣下滑，但最近逐步好轉，連續八場聯賽未嘗敗績，其間射手巴舒亞易交出四球進帳，上仗對卡昂亦取得“士哥”，狀態有一定保證，加上攻擊中場利美卡比拿、保拿沙亞，令球隊近況有所起色。雖然球隊表現回勇，但到訪主場實力穩健的里昂，要贏波恐怕有一定難度，皆因過去三次出征里昂從未贏過，今晚搶得一分已算有功課交。

    里昂主帥真尼斯奧預計今仗相當難打：“今仗將會是一場惡戰，大家實力旗鼓相當，而且對手近況氣勢如虹，今晚的比賽絕對唔易應付。雖然預計今晚比賽難打，但之後球隊仍然有幾場大賽，今仗的三分對我們非常重要，所以一定會全力以赴，打好每一分鐘。”

    摩納哥抗擊圖盧茲

    另外，法甲另一勁旅摩納哥將主場迎戰圖盧茲，主隊過去六次與圖盧茲交手只輸一場，可見雙方實力有一定差距，論近況摩納哥已經八輪聯賽未輸過，坐擁主場的摩納哥，今晚要贏無太大困難。