博國米和“坡”

    好耐都冇推過意大利波，今日就介紹場意大利盃拿坡里對國際米蘭，兩支都係意甲傳統勁旅，且在聯賽榜排一、三位，當然屬於一場具睇頭大戰，今仗一場過爭入四強，定必拼個你死我活。

    拿坡里目前在意甲以四十四分領導群雄，射手希古恩更以二十球在射手榜獨領風騷，如無意外攞硬今季意甲金靴獎。球隊主場戰績幾乎所向披靡，十戰八勝兩和，主場惡到出汁。另一數據就係呢十年在自己地頭迎戰國米未輸過一場，近七次亦贏足六場，照咁睇，拿坡里好似冇得輸，但講真一句，邊有咁好路，就算一隊高幾班，都經常有爆冷出現，何況國米在意甲一向都係大會，甚有江湖地位，實力並非“二打六”，實際上雙方唔會相差太遠，拿坡里邊有話贏硬。

    文仙尼重掌國米大權後，球隊今季果然大有喜色，聯賽與拿坡里只差四分，依然有奪標機會。至於聯賽首循環對陣，國米作客一比二不敵拿坡里，只因半場踢少個，形勢上根本輸唔晒，今仗初盤受讓半球／一球，揀硬國米。

    推介：和波2:2