紅軍斬妖除“魔”

    紅軍利物浦打完榜首阿仙奴後，繼續向強橫勢力挑戰，坐鎮主場迎戰紅魔鬼曼聯。雖然有說這屬於一場褪色大戰，但冤家碰頭例必拼個你死我活。

    紅魔鬼上場被排尾二嘅紐卡素逼和，前線攻入三球總算有交代，可惜防線笑料百出，十一場作客共失十六球，係排名前十位球隊中失球最多一隊，防守好明顯就係紅魔鬼最大致命傷。對住弱勢社群嘅紐卡素都贏唔到，真擔心雲戈爾今戰後能否保得住個飯碗。初盤利物浦讓平手／半球，捧紅軍冇得和，在晏菲路斬殺紅“魔”。

    紅軍上場激戰阿仙奴，唔贏唔抵，但唔輸亦好彩，全場取得較多優勢，整體表現都踢出一場爭氣波，只要繼續發揮上場水準，完全未驚過曼聯呢支死對頭。自克洛普接手球隊後，紅軍成為列強剋星，先後擊敗車路士、曼城及排榜首嘅李斯特城，上仗雖然未能搶“槍”成功，但足以證明有遇強必殺能力。紅魔近三戰兩勝一和，三場對手都並非猛料，贏史雲斯及英甲球隊錫菲聯都贏得驚濤駭浪，對住紅軍實在唔好太大期望。

    推介：利物浦3:1