曼城讓多難掠“水”

    周中一場英超大戰認真精彩絕倫，利物浦與阿仙奴合演今季英超最峰迴路轉嘅一場比賽，結果雙方握手言和，阿仙奴憑得失球較佳，繼續保住榜首。至於力追兵工廠嘅曼城同樣失分，榜首前三位依然你追我趕，爭持相當激烈。曼城今晚繼續主場出擊，迎戰中游分子水晶宮，今戰一分都不能再失，料必全力搶攻。

    水晶宮近況表現較為反覆，實力明顯在曼城之下，不過球隊踢作客以穩守見稱，防守能力相當到位，曼城要全取三分，並非易如反掌。初盤曼城讓一球／球半，隨時贏波輸盤，不妨小敲水晶宮。

    曼城被愛華頓悶和，全場有攻勢冇實際，中路突破少之又少，今仗對住水晶宮，非要改變進攻策略不可，上場只做後備嘅大衛施華今晚應可正選，可以加強前線火力，問題係能否攻破水晶宮密集防守。

    水晶宮今季作客戰績唔差，五勝兩和三負，防線只失八球，係英超中作客失球最少一隊，對住曼城肯定加重中後場截擊力，實行死守博和攞一分。但久守必失，睇嚟曼城只能小勝格。

    推介：曼城1:0