紅軍一“槍”致命

    英超明晨有好戲上演，紅軍利物浦在晏菲路恭候阿仙奴，除要阻人去路外，亦要為爭上前四而奮戰。雖然阿仙奴近八場比賽贏足七場，狀態係英超近期中最“弗”一隊，但紅軍一向對強隊都未驚過，特別經過克洛普調教後，更加遇強越強，作客大勝曼城四比一就係最佳例子，今仗一定驅走凶“奴”。

    阿仙奴近期確實“弗”到“嘭”、“嘭”聲，可惜踢作客依然可信程度不足，近四場英超作客，只係贏過包尾嘅維拉，打和諾域治，更加輸畀西布朗，兼慘吞修咸頓四蛋，呢幾場數據的確值得參考。初盤阿仙奴要讓平手／半球，捧紅軍必屬佳選。

    兩隊首循環碰頭，阿仙奴主場取得較多優勢，惜毫無實際。中目標攻門，紅軍反比阿仙奴多三次。最終兩無紀錄，阿仙奴唔輸算好彩。今次輪到紅軍主場，料必採取主攻，上場收起大半隊主力踢足總盃，克洛普擺到明要留難雲格。慘敗畀修咸頓後，阿仙奴連續三仗主場連勝，但唔好忘記，三場對手都係榜尾謢級弱隊。今仗作客對利物浦，完全是兩回事。

    推介：利物浦1:0