紅魔鬼難追“素”

    英超明晨又開戰，有超級神經刀之稱嘅紐卡素在主場迎戰曼聯。排尾三嘅紐卡素連埋足總盃已連輸四場，球隊戰績認真令人憂慮，但老實講句，如果有睇“紐記”對阿仙奴場波，“紐記”的確輸得唔抵，全場表現比阿仙奴更出色，若非兵工廠門神施治左飛右撲，“紐記”應該係贏波一隊，可惜足球比賽就係咁奇妙，贏勢輸波經常出現，所以話，運氣都係比賽嘅重要一環。

    紐卡素目前形勢依然惡劣，每場波非要搶分不可，搏命程度唔需多講。球隊目前傷兵仍多；不過，除奧拔頓與安尼達唔踢得受到影響外，陣容總算完整，只要上下一心，踢出拼勁及鬥志，未必會輸硬畀曼聯。

    曼聯近期表現依然起起伏伏，根本踢不出任何霸氣，防守欠缺穩健，前線進攻火力仍然銳利性不足，確實欠缺贏波本錢。上仗足總盃對住低兩班嘅錫菲聯，只能靠朗尼完場前十二碼才能過關，贏得相當艱險，且今季作客戰績只得四勝兩和四負，完全唔合格。初盤仲要讓紐卡素半球，必揀“紐記”主場坐和望贏。

    推介：紐卡素2:1