日本女足“蘭”穩勝

    女足世界盃十六強明日上演最後一戰，衛冕嘅日本將要火併荷蘭。“東瀛魔女”在分組賽三戰全勝，表面上確有一定氣勢，但似乎欠缺十足霸氣，三場波都係一球僅勝對手，尤其首仗險勝瑞士，只靠一個問題十二碼贏波，至於喀麥隆與厄瓜多爾，實力明顯較弱，日本在分組賽出線屬於正路，去到淘汰賽階段，就要睇真正戰力有幾多。

    今屆日本女足明顯開始老化，卅七歲嘅澤惠希依然係領軍人物，大野忍、宮間亞彌、近賀由加里及安藤梢等幾位主力，都係三十歲以上嘅“中女”，體能將會係最大考驗，對住歐洲體力化球隊，“東瀛魔女”未必佔到優勢。

    荷蘭在分組賽雖然只係以第三名出線，但三支對手都並非簡單，最後一場與主辦國加拿大更踢到勢均力敵，“荷蘭女將”實在不容忽視。論經驗，荷蘭的確不及日本，但大部分球員都係九○後女將，身體素質及體能方面肯定在“魔女”之上，可能係荷蘭致勝最大本錢。初盤日本讓半球，捧荷蘭“本”小利大。

    推介：荷蘭1:0