皇馬隨時歸“西”

    西甲明晨上演好戲，片名“銀河戰艦大鬧蝙蝠洞”。目前排第三位嘅皇家馬德里，繼續咬住兩支死敵巴塞與馬體會，聯賽只有兩分之差，爭標形勢依然緊湊，但如有任何行差踏錯，皇馬要重奪錦標都難。尤其今仗作客華倫西亞，失分絕不出奇。

    華倫西亞今季有頭威冇尾陣，近期狀態更加踢到反反覆覆。不過，球隊主場確有一定保證，至少今季聯賽未輸過一場，今場佈陣迎戰皇馬，“蝙蝠軍”絕對未驚過。初盤皇家馬德里讓一球，捧硬華倫西亞，皆因近五次對賽，唔講波路講盤路，皇馬輸足四場盤，只得一埸走盤，今場仲要贏兩球先有着數，一定要下盤。

    華倫西亞上場作客維拉利爾，雖然一球飲恨，但整體發揮依然有強隊風範，基本上與黃色潛艇拉成均勢。只要保持上場狀態，今仗斬“馬”唔難。如果有睇皇馬擊敗皇家蘇斯達埸波嘅波友，肯定皇馬贏得唔光彩，兩個十二碼都有問題，上場唔失分經已偷笑，所謂過到初一過唔到十五，今場作客“蝙蝠洞”應該沒有好下場。    推介：華倫西亞2:1