紅軍“城”事不足

今輪英超最重頭戲應該係紅軍利物浦對李斯特城，因為紅軍“粉絲”衆多，捧場客一定唔少。不過紅軍有苦自己知，近期表現實在太反覆，加上傷兵問題，影響球隊作戰能力，今場對住鴻運當頭嘅李城，利物浦實在難言穩勝。

今季“彈”起嘅“狐狸幫”真係威到不得了。以前買佢叫“你輸十成”，今季捧佢真係叫“你醒”。十七場聯賽，十四場贏盤，兩場走水，只輸過一場，成為英超大贏家。今場初盤開出受讓半球，利物浦憑乜嘢讓對手？捧硬作客未輸過嘅李斯特城。

紅軍近三場未贏過，上場更三球慘敗在屈福特腳下，係克洛普上任後最慘痛一役。利物浦嘅海鮮波又再發作，的確估佢唔到。紅軍目前正受傷病影響，防線成為重災區，史克迪爾與洛夫雲有傷唔踢得外，最慘係正選門將米洛列特之前缺陣，上場輸波，就係後備門將保丹最大責任。所以今場對住英超攻力最強、入球最多嘅“狐狸幫”，紅軍讓唔起對手囉！

昨日都講過“李城”目前打士氣、打氣勢都夠贏，今場至小保住不敗。

推介：和波1:1