秘魯讓波難出“委”

    美洲國家盃開鑼至今踢咗十場，其中七場開下盤波，上盤除揭幕戰智利兩球贏厄瓜多爾殺足外，就係昨晨巴拉圭贏得半個盤，證明南美波認真高深莫測，大家值得留意。

    明晨有場秘魯對委內瑞拉，兩隊波屬於半斤八両，未完場都未知鹿死誰手，所以初盤開出平手都比較正路，但委內瑞拉擊敗哥倫比亞後，士氣極佳，一於捧委內瑞拉食“魯”。

    秘魯首仗對住足球強國巴西只係輸一比二，感覺上似乎有一定戰鬥力，但實際上在一球領先下，被發揮並未達到應有水準嘅巴西反敗為勝，秘魯真正實力有幾多，基本上有數得計。由於首戰輸波，秘魯已別無選擇，今戰確要非勝不可，定必大踢進攻足球，可惜球隊鋒力較為薄弱，只靠效力史浩克○四嘅化芬獨擔大旗，實在期望唔大。

    委內瑞拉首場擊敗哥倫比亞，可以話係爆冷，但爆得嚟都要講實力，陣中羅沙里斯、列比達、卡朗度及連干等幾位效力歐洲五大聯賽嘅球員都有一定質素。近兩次對住秘魯，委內瑞拉都能戰勝對手，今場應該冇得輸。

    推介：委內瑞拉1:0