巴塞過冷“河”

    世界冠軍球會盃今晚打決賽，巴塞羅那決戰河床。

    以兩隊實力比較，巴塞明顯高於對手，只不過初盤要讓到兩球／兩球半，似乎讓得太多。始終河床屬於南美勁旅，踢法較為硬朗，陣中亦有多名曾在歐洲搵食的知名球員，貴為南美冠軍，差極有條數。況且一場過決賽，河床未至於大敗收場，巴塞要贏三球才有着數，實在諗唔過，隨時贏波輸盤。

    準決賽對恆大一戰，美斯因腎結石及尼馬有傷，兩大攻擊手需要休戰，但巴塞依然有“阿蘇”個人表演，三球輕取恆大，球隊整體表現仍發揮出“地上最強”水準，始終恆大實力根本難以威脅巴塞。今戰美斯與尼馬能否上陣仍未知數，對住實力較強嘅河床，巴塞未必踢得咁輕鬆。

    河床由前阿根廷國腳艾馬與沙維奧拿兩名老將領軍，主力方面，有前賓菲加嘅烏拉圭射手莫拿，馬體會回歸嘅卡蘭利維達，及踢過利物浦嘅山齊士等。既然球會首次參加世冠盃，今戰必會全力拼搏，無論以守代攻抑或與巴塞對攻，河床絕不會全無還擊之力。

    推介：巴塞羅那2:1