車仔翻“新”

    車路士在上周聯賽一比二不敵李斯特城後，“油王”即召開緊急會議。會後正式宣佈，教頭“老摩”即時被炒。

    之前油王講過撐老摩撐到底，但始終都係得個“講”字。冇辦法，落到場比賽都係一班球員，而老摩與部分球星有心病衆所皆知，將帥不和，又點會有好結果。老摩唯有收返千二萬英鎊分手費，忍着笑説“goodbye”。信不信由你，老摩離隊後，呢班“車手”肯定有料到，尤其今晚對住同病相憐嘅“病貓”新特蘭，真係唔贏冇得贏。初盤車路士硬讓球半，車仔勢必展開滅“貓”大行動。

    講質素，一衆“車手”都具有份量，爲何踢歐冠與英超有咁大分別？相信唔少波迷心中有數，球員嘅積極性，比賽態度係關鍵，唔信？睇吓今戰點樣屠宰新特蘭就一清二楚。艾拿迪斯接手“黑貓”後，先大鬧水晶宮，再攻陷史篤城，可惜強勢未能延續，近兩戰連敗，士氣又再受挫，對球隊有一定打擊。今仗更要遠征倫敦，對住勢必反底嘅車路士，“黑貓”危在旦夕。

    推介：車路士3:0