史浩克抗“咸”潮

    德甲獨腳戲明晨有史浩克○四對賀芬咸，兩隊都要為搶分而戰。史浩克目前排第八，與排第三位嘅哈化柏林只有五分之差，今仗若能夠擊敗對手，更可升上前四位，爭勝決心實在不用懷疑。

    排尾二嘅賀芬咸為擺脫降班危機，今場亦要搏命，但求搶得一分得一分，可惜球隊今季作客只曾一勝，近三次聯賽作客史浩克都係大敗收場，踢作客似乎難有作為。初盤史浩克讓半球／一球，賀芬咸要展開反“克”行動，又談何容易，捧史浩克至少可執半個盤。

    史浩克近期狀態唔差，近五戰三勝一和一負，上場作客奧格斯堡被絕殺，實在心有不甘，今戰返到主場，必搵對手出氣；當然，要贏波一定要有進攻火力，三大攻擊手亨迪拉亞、祖普莫亭及迪辛圖都有一定入球能力，賀芬咸防守能力一般，預料史浩克必有斬獲。

    連續八場不勝後，賀芬咸上場終於迴光反照，一球擊敗尾三嘅漢諾威，在謢級大戰中算係攞返個彩，但對住屬於實力派嘅史浩克，睇怕要搶一分都難。

    推介：史浩克○四 2:0