蜜蜂兵打“格”仔

    明晨繼續有德國盃十六強決戰，連續兩季屈居亞軍嘅多蒙特將要作客奧格斯堡。由於德甲一向都係拜仁天下，所以盃賽就成為多蒙特最大目標，可惜呢兩季都係“二奶命”。做“阿二”又點會心甘命抵，今季誓必再接再厲向冠軍進發，今仗對住實力之下嘅奧格斯堡非殺不可。

    奧格斯堡近期表現絕對不能睇低，連埋歐霸盃近四戰取得三勝一和，且對手亦非善男信女，奧格斯堡確有一定戰鬥力；不過，踢波有時格食格，聯賽首循環奧格斯堡一比五大敗在多蒙特腳下，今仗再度碰頭，心理上已經輸蝕。初盤多蒙特讓一球，盃賽絕不放過嘅“蜜蜂兵”作客一樣“格”殺勿論。

    其實奧格斯堡今仗冇太大主場優勢，因為聯賽九次主場中輸多過贏，只得兩場勝仗，更加有五場落敗，主場成績仲差過踢作客，實在靠唔住。“蜜蜂兵”人所共知火力猛，奧巴美揚、米希達恩及香川真司合作熟到爛，是進攻上最具殺傷力嘅球員，對住防守力有限嘅奧格斯堡防線，多蒙特一於波盤全收。

    推介：多蒙特三比一