曼城踩“雲”冇面畀

    曼城上場對住史篤城又再全失三分，榜首位又讓返比李斯特城，且更被阿仙奴超前，暫時只能排第三。要重奪“一哥”位置，今晚主場對住史雲斯，定必大開殺戒，殺個對手片甲不留。

    史雲斯近期狀態真係弱到得人驚，近五場只攞得一分，坐過山車一樣跌到落十五位，與降班區球隊只有一分之差，開始成為護級一族。以目前狀態，睇怕今次作客曼城凶多吉少。初盤曼城硬讓球半，藍月亮打硬落水狗，史雲斯可能大敗一場。

    其實曼城上仗作客史篤城的確相當難打，始終合金球場比較狹窄，氹仔浸蛟龍，曼城嘅組織踢法受到一定影響。今晚返到自己主場，發揮肯定完全兩回事。人腳上除阿古路與拿斯尼繼續休戰，大衛施華與杜尼經已復出，對住正處於弱勢嘅史雲斯，藍月亮夠殺有餘。

    史雲斯戰績大幅下跌，連領隊蒙克都要慘食“無情雞”。論實力，史雲斯實際唔差，只係球隊近期戰意問題。今仗未有改善的話，恐怕又會慘淡收場。

    推介：曼城4:1