加泰主場開“蘇”

    西甲明晨有場搶分戰，由加泰單挑皇家蘇斯達。兩隊目前都排於下游位置，與降班線球隊只有三、四分之差，隨時都要加入降班聯誼會，要為護級而奮戰。

    論兩隊實力，皇家蘇斯達稍為平均些少，但加泰佔有主場之利，必然踢出加一波。加上皇蘇近三場作客得個“輸”字，作客比賽心理素質不足。初盤只係平手，自己地頭出擊嘅加泰至少可坐和望贏。

    加泰主場戰績實際唔差，七戰只輸過兩場，其中一場輸畀班霸巴塞，上個主場更打沉“黃色潛艇”維拉利爾，戰績係四勝一和兩負，攻入十二球，只失五球，以一支中下游球隊嚟講，主場表現都算相當突出，擺到明係靠主場搵食。加泰上場作客雖然慘敗皇馬腳下，但並非全無還擊之力，亦有多次威脅皇馬大門，陣中嘅沙拿比亞、華斯基斯及拉辛都係踢得之人，而皇蘇整體戰力並非想像中強橫，加泰有力一拼。

    皇蘇近六場比賽非勝則負，當中輸咗四場，球隊狀態依然起伏不定，作客更加不外如是。今場和波攞到一分算係功成身退。

    推介：加泰2:1