大宮松鼠今季由日職降落日乙比賽如虎入羊群，現時喺聯賽榜已領先次席嘅金澤薩維根7分，來季重返日職前景一片大好，今日下午佢哋主場迎戰兩連敗嘅東京綠茵，可望延續強勢，1.46倍Ｗ固然可取，進取啲可捧埋2.52倍「讓球主勝」。

（周日下午5時開賽）

有攻有守着晒火
上季日職排第16嘅松鼠，降落日乙後雖然放走斯洛文尼亞前鋒隆比真歷，好彩仲有首席射手美迪查留隊，整體實力喺日乙依然超晒班。由四月中開始，佢哋已保持12場聯賽不敗，期間除咗攻入25球，同時有10場比賽保持不失波，對上五場日乙全勝之餘更令對手入唔到波，攻守兼備狀態着晒火。

東京綠茵近兩場聯賽接連不敵FC愛媛及熊本羅亞素，狀態比起早前三連勝已明顯回落。後防主力高木大輔上仗傷出，未必能趕及復出。綠茵今季作客對住金澤薩維根、磐田山葉等前列球隊都食蛋而回，如今陣容不整之下，對住狀態當銳、實力更高嘅松鼠難尋爆冷機會，1.46倍主W穩開，想求好賠率可捧埋2.52倍「讓球主勝」。