轉會市場仲會開多半個月，唔少球會仲忙緊處理交易，試問佢哋又點樣專心準戰先？近年以「低買高賣」賺唔少嘅波圖，家陣亦忙住喺轉會市場掠水，今晚主場對住甘馬雷斯，怕且都幾難炒起對手，2.05倍入球細值得一試。

波圖今夏放走前鋒積臣馬天尼斯、守將丹尼路雷斯，日前再將守將丹尼爾奧柏尼賣畀奥格斯堡。不過球會依然未心足，向祖雲達斯兜售左閘阿歷士辛度，球會亦喺8月頭借入「替工」阿里施蘇高。計埋門將卡斯拿斯來投，波圖今季防線面臨大變，呢鋪就算主場出擊都未必咁主動喪攻。

葡超首戰利開細
況且對手甘馬雷斯連續2季作客波圖，兩次都係僅僅以0:1敗走，證明班波冇咁易投降。再睇番波圖喺近7季葡超首戰，夾埋開出6口入球細，咁好路冇理由唔追多鋪。