英聯盃第1圈又有直播睇，由乙組仔樸茨茅夫喺主場對英冠隊伍打比郡，睇落唔似有運行。雖然樸茨茅夫喺英乙開咧戰贏波，弊在近年佢哋對英聯盃完全冇興趣，根本唔值得冷敲，加上打比郡對保頓嘅英冠開咧戰未能敲響勝鼓，對住級數低幾班嘅樸茨茅夫，新領隊保羅曲克仲唔把握機會省招牌咩？1.71倍客勝好路！（TVB301周四凌晨2:45直播）

樸茨茅夫日前以3:0大勝杜根咸，睇落好似係威係勢，但對手只係英乙同級數嘅對手，大家咪過分高估佢哋嘅戰鬥力。

樸茨茅夫唔吼盃仔
再講，呢班波除咗後衞禾特馬奧治仲抖緊之外，中場占士鄧尼、阿當巴頓、卡爾尼史密夫有傷出唔出得都未知，牌面唔多掂仲要傷多幾件。更重要係，對上4季樸茨茅夫有3次喺英聯盃第1圈出局，上年叻啲險勝彼德堡晉級，去到第2圈又淨吞史篤城3蛋玩完，戰意差成咁，你信佢哋會搏命咩？

打比郡爭勝向高層交代
另邊廂嘅打比郡日前作客以0:0打和保頓，新教頭保羅曲克應該唔係太滿意。事關佢得到高層支持，開季前羅致大批新戰將，包括被任命做新隊長嘅西布朗中堅拜阿迪，假如今場連乙組仔樸茨茅夫都贏唔到，又點同高層同球迷交代呀？就算守將積基布頓未好番，我覺得保羅曲克都唔會排個太Hea嘅陣出戰，客勝堅抵玩喎。