日職神鋒大鬥法
宇佐美貴史、豐田陽平兩大射手對決喎，今日場日職獨腳戲大阪飛腳主場對鳥棲砂岩，冇理由唔開入球騷啫，一於博1.7倍入球大啦。（開賽時間：周三晚6:00）

宇佐美、豐田呢兩個神鋒今季的確好掂，其中宇佐美响聯賽已經入咗14球，絕對係飛腳嘅入球泉源。鳥棲個豐田亦唔弱，入球數都同宇佐美睇齊，佢兩個可以話係今季日職金靴獎嘅熱門之選，今場為公為私，都要搏盡Show吓Quail。

宇佐美貴史入波飛腳不敗
最令人覺得詭異嘅係，呢兩件射手都有個入波神話，好似宇佐美貴史咁，佢一有波入，飛腳就從來未輸過，豐田冇咁威，不過佢近年4次對住飛腳都有斬獲，當中有3場鳥棲都全取3分，簡直係飛腳嘅剋星。

當然，飛腳、鳥棲踏入次階段都表現麻麻，一樣係連續兩場贏唔到，但係由投資角度去睇，飛腳嘅優點係即使贏唔到，都能夠整場大龍鳳出嚟，和水手、輸畀鯨魚全都開大，仲要係Lead唔到尾嗰種先勝後負，明顯後勁比較差，入得又失得，簡直係部開大機器。

鳥棲就相對謝咗啲，和川崎、負天鵝都開細，上場對天鵝嗰陣，豐田陽平呢個「日本杜奧巴」踢踢吓仲傷埋，需要提前退下火線，好彩傷勢唔太重，今日應該可以出得，同宇佐美鬥射術。呢一場射手對決，產生3個入波唔會太難，入球大自不然抵玩。