欢迎来到足球图库!
当前位置:主页 > 香港商报 >
雲祖柏考牌戰哥斯達黎加要買
时间:2015-07-08 06:55   来源:足球图库

牙買加上月首次參加美洲國家盃慘成三零部隊,喺分組賽「完敗」出局,不過咪以為佢哋交咗學費,喺今次美洲金盃就會有所作為,今次喺B組首戰面對哥斯達黎加,牙買加都係繼續交學費喇,科娜今次撐哥軍首戰旗開得勝!

(周四早上8時開賽、馬會網上文字直播)

牙買加實力差一截
哥斯達黎加於上年巴西世盃竟然能夠喺死亡之組突圍而出,更歷史性殺入8強,門神基羅拿華斯、前鋒祖爾甘保、拜仁雷斯等踢出名堂,今次美洲金盃雖然有基羅拿華斯因傷未獲徵召,不過球隊仍有不少外流球員。相反牙買加同上月出戰美洲盃陣容相比,有唔少變化,包括最後一場分組賽對阿根廷,完場即捉住美斯玩自拍嘅前鋒迪桑布朗,以及卡爾斯魯厄中場丹尼爾哥頓都未有入選今次大軍名單,實力更弱。

各位可能擔心哥軍搵嚟名宿雲祖柏執教後,踢咗5場波都仲未開齋,今場要全取3分有暗湧,其實雲祖柏一向深得球員支持,佢哋都深明今次大賽係雲祖柏嘅考牌戰,梗係識做要搏命爭勝保帥喇!

跟住一場就輪到主辦國之一嘅加拿大出場,佢哋會飛去美國同薩爾瓦多交手,加拿大狀態大勇,牌面亦較對手高,今場小讓平半,上盤捧得過!(周四早上10時30分開賽,馬會網上文字直播)

上一篇:野兔回巢 河床有待磨合     下一篇:3前鋒冇人識入波 哥斯達黎加「買」唔過