今晚會進行多場歐霸盃首圈賽事，但阿King就睇中聽朝早嘅巴甲賽事，其中排第七嘅哥連泰斯會喺主場迎戰第八嘅邦迪比達。哥連泰斯近期喺主場表現唔錯，加上今仗有主力回歸，面對傷兵滿營兼要作客嘅邦迪比達，阿King相信佢哋可以輕鬆贏波，主W有1.7倍不容錯過。（周五早上6時30分開賽）
巴甲各隊實力其實非常接近，好似哥連泰斯雖然排喺第七位，但只係落後榜首嘅利斯菲體育會三分，至於排第八嘅邦迪比達其實只係同哥連泰斯同分，今仗贏波就可以追近同前列球隊嘅差距，所以兩隊都會搏到盡。
邦迪比達傷兵成籮
不過，邦迪比達近日有後衞謝法臣卡維奴、祖奧保羅、前鋒施仙夏及李安迪連奴分別加入傷兵名單，對球隊實力有好大影響。相反對手哥連泰斯有中場伊利亞斯文迪斯剛踢完美洲國家盃歸隊，右閘法格拿坐完波監亦可重新上陣，加上射手路夫重拾狀態，此消彼長下今仗有力贏波，1.7倍主W當然係穩陣之選，進取嘅可以捧埋讓球主勝。
其餘兩場巴甲賽事，主場嘅費古倫斯雖有大批傷兵，加上巴拉圭後衞沙里斯達累積滿黃牌停賽，但球隊已經連開四口半場和，面對有後衞基頓沙利斯坐波監嘅戈亞斯，值得再追半場和。另一場富明尼斯有後衞甘姆停賽，前鋒費特有傷上陣成疑，但作客嘅山度士亦有中堅大衞巴斯同中場盧卡斯奧達維奧坐波監，雙方各有主將缺陣下不如轉玩入球細。
