美斯候命 巴塞上盘搵米

欧联B组榜首之争，巴塞隆拿作客再斗国际米兰。巴塞上场缺少王牌美斯，主场仍以2比0轻鬆击败国米，分组赛3战全胜，实力明显大超班，巴塞今场只要赢波便可稳夺小组首名，美斯亦已伤愈随时候命，巴塞小让平半上盘值博。

（Now 644、有线662及602台周三凌晨4时直播）
巴塞王牌美斯早前手臂骨折，错过左上轮分组赛对国米、对皇马嘅国家打吡及上场西甲作客华历简奴，不过巴塞演出完全冇走样，上轮主场赢国米2比0，就系凭顶替美斯上阵嘅拉芬拿艾简达拿建功，之后两场联赛苏亚雷斯个人入左5球，加上奥士文尼迪比利，菲腊比古天奴等等都有士哥，各人轮流分担入波责任，喺教头华尔维迪调教下，巴塞今季踢法更加整体同成熟，减少左美斯缺阵嘅影响。原本估计要养伤至11月中嘅美斯上周已复操，今场仲有机会落场搏杀，战斗力更加如虎添翼。

国际米兰质素输一截
国际米兰今季成绩不俗，上轮分组赛输畀巴塞只系佢的近10场比赛唯一败仗，其馀9场全部赢晒，不过睇番上轮作客鲁营球场一役，国米无论喺个人质素、战术及经验都比巴塞输一截，如果主场急于抢攻随时输得仲惨。巴塞现时手执9分，领先国米3分，热刺、燕豪芬则各得1分，巴塞今场赢波便可抛离国米6分，喺同分先计对赛成绩下，巴塞就算最后2场输晒，都肯定可以小组首名资格进身16强，为免夜长梦多，今场唔会刻意放软手脚，巴塞让平半波童拣上盘。