主场绩靓 近况Sharp醒

国际赛档期过后，球员各自返去所属球会，准备嚟紧嘅球会比赛，所以呢日得番嘅选择并唔多，可以话係巴西圣保罗省联赛嘅天下添。其中笔者最睇好山度士主场斗费路维拉亚呢场，因为山度士无论主场成绩同近排演出都靠得住，呢铺佢哋让到半一，1.74倍上盘值得支持。 （开赛时间：周五早上8:30）

费路维拉亚作客脚软

部分巴西名牌球会并唔多注重省联赛，好似彭美拉斯就係一例，不过山度士就唔会揸流摊。呢班波喺省联赛12战仅输1场不特止，主场出击亦都有保证，近5战除咗摸和圣保罗之外，其馀4场全胜，包括轻取哥连泰斯两粒，令对手攞到今季省联赛首场败仗。山度士呢铺再度主场出战，老实讲走样机会并唔大。

更何况对手费路维拉亚近况劲曳，近5场省联赛只係赢过排下游嘅奥斯迪，其馀4场全部输晒，真係睇见都唔开胃。再睇埋佢哋踢作客赛事又唔係醒过人，近4场作客输3铺，夹埋失咗7球，呢次造访主场威力十足嘅山度士，仲边有得走吖！