德国盃16强，柏林联主场迎战禾夫斯堡，柏林联喺上届德国盃杀入4强，佢哋歇冬後获3连胜，依家排德甲次席，走势强劲，今仗又有主场之利，主胜看高一线。禾夫斯堡今季联赛曾不敌柏林联，上仗联赛又刚告输波，加上近年德国盃成绩麻麻，今场唔睇好。（有线602及662台周三凌晨3时45分直播）

柏林联2019年升上德甲，近两季杀上德甲前列，佢哋各条战线都会搏到尽，唔会留手，上季出席欧协联取得唔少经验，德国盃又打入4强，今季喺欧霸盃分组赛次名出线，嚟紧附加赛将会对阿积士，联赛排名更系愈打愈前，现时仅落後拜仁慕尼黑1分排次席，上场同市打吡战2比0击败哈化柏林，目前士气高涨，今仗有美国前锋施尔巴特捷奥复任正选，力争4连胜。

禾夫斯堡不败断缆泄气

禾夫斯堡曾於2014至15球季捧走过德国盃，不过近年表现一般，只曾两次打入8强，联赛方面佢哋上季排12位，成绩倒退，今季喺尼高高华执教下有复苏迹象，歇冬前後一度保持11场不败，不过上仗1比2输畀云达不来梅而断缆，睇番佢哋联赛首循环作客文章来源华体网华体网(sportscn.com)柏林联，喺下半场连失两球输0比2，今仗再度到访柏林联，再输都唔出奇。