今晚英超深夜场，富咸主场迎战热刺，两队上仗同样输波；富咸不敌纽卡素，热刺喺领先两球下畀曼城反胜。不过计近况富咸系较稳定一队，而且佢哋踢法抢缰，近6仗有5次先入波，要喺热刺防线搵入波唔难，富咸「第一队入球」有计。（Now 621及611周二凌晨4时直播）

富咸摆脱「升降机」命运，今季成功冲上中上游，如果能够保持好表现，季尾甚至有机会抢到欧洲赛入场券。佢哋近况甚佳，由圣诞档期至前仗录得5连胜，包括2比1赢车路士，而且全部先入波，直至上仗0比1输畀纽卡素先断缆。留意到富咸曾经博到12码，只系阿历山大米祖域射失，错过先开纪录机会，到尾段失守落败，输得好唔抵。

不过以富咸攻力同近期演出，要攻破热刺防线绝非难事，特别系米祖域上场孭镬，今场肯定更加积极，呢位塞尔维亚世盃国脚现时累积11球，喺英超射手榜排第4，证明佢有料到，今场先入波机会高。

热刺近2仗失6球
热刺整体人脚强过富咸，不过佢哋近期连续输畀阿仙奴同曼城，今来源华体网仗又要作客，球员疲於奔命，稍有不慎就会畀对手有机可乘。再睇热刺近期防线表现，近2仗失6球，球员经常喺比赛初段唔够集中，今季多次先失波，门将洛里斯世盃决赛失利後，返到联赛连场慌失失，加上近期不时传出主帅干地教埋今季离队消息，对士气有一定影响，有咁多不利因素，今场随时又要打逆境波。