G组另一场，喀麦隆对巴西。喀麦隆两战得1分，最後一轮必须击败「森巴兵团」巴西先有出线机会，但要赢巴西谈何容易，该队反而要担心条两仗共失4球嘅防线，顶唔顶得住一众巴西天才前锋来犯，巴西入波贵精不贵多，加上近4次交手3次开两球或以下，入球细属不二之选。

（Now 618及616周六凌sportscn.com晨3时直播）

喀麦隆首仗0比1不敌瑞士，上仗对塞尔维亚落後1比3劣势下神奇追和3比3，两战得1分保住出线希望，不过现时形势被动，而且难度极高，首先今场必须要喺5届冠军巴西身上全取3分，咁都未算，仲要寄望瑞士失分，要满足两个条件先可出线。

森巴主力料休战

不过今届世盃有唔少爆冷先例，沙特阿拉伯赢阿根廷、日本赢德国，日前又有突尼西亚1比0击败已出线嘅法国，喀麦隆要赢巴西唔系冇机会，但要先做好防守，避免失波先得。


巴西已经提前出线，虽然佢哋攻力强，但入波主要靠个人质素，例如首仗赢塞尔维亚有李察利臣嘅「倒挂」，上场对瑞士再有卡斯米路嘅「脚趾尾拉西」，呢啲「世界波」可遇不可求，加上主帅迪迪极可能轮换畀主力休息，而双方近年对赛入球偏少，入球细博得过。