今晚世盃H组大战，包尾嘅乌拉圭火并加纳。乌拉圭两战只得1分，但今场只要赢波仍然好大机会晋级，佢哋对上3届世盃都能杀入16强，生死关头靠得住，可望击败防守麻麻嘅加纳逃出生天，客胜有计。


（Now 619及617周五晚11时直播）


乌拉圭首仗同南韩互交白卷，上场又净吞葡萄牙双蛋，坐拥达云纽尼斯、苏亚雷斯、卡云尼及费达历华维迪嘅华丽攻击组合，连续两场「食白果」难免令球迷失望。不过乌拉圭近年喺世盃属於慢热型，近3届都摘自sportscn.com系靠小组尾轮赢波跻身16强。而且佢哋踢法上唔惊体力及速度型球队，对上3次面对非洲球队录得全胜，今仗心理上占有优势。由於同分嘅南韩今轮仲要硬撼葡萄牙，失分机会唔细，所以乌拉圭只要赢波，就可以爬过加纳头，令出线机会大增，背水一战下决心靠得住。

加纳防守错漏百出

3分在手嘅加纳形势睇落较佳，但过於进取嘅踢法令防守错漏百出，小组头两场劲失5粒，防守点都唔叫好，面对锋线有质素嘅乌拉圭，难以保持清白之身。加上加纳今场和波亦有好大机会出线，但咁样随时令佢哋患得患失，难抗目标鲜明嘅乌拉圭，捧客胜好路。