C朗挞着主场谢幕必抢
今晚英超有场独脚戏，近况甚曳嘅曼联主场迎战宾福特。「红魔鬼」仍要为欧洲赛资格而战，唔会轻易放弃，尤其斗心极强嘅C朗拿度近期「着火」，主场谢幕战势必抢攻争3分；宾福特自从获基斯甸艾历臣加盟後，火力全面提升，作客面对今非昔比嘅曼联，唔怕驳火，中位数2.5球入球大稳开。（Now 621周二凌晨3时直播）

曼联近期战绩低落，3场联赛仅得1和2负，争入前4机会已经好渺茫，不过上仗1比1逼和车路士，球队表现有啲起色，证明球员仲未放弃，何况佢哋目前仲要保住欧洲赛资格，最後3场联赛不容有失，尤其今仗系联赛主场谢幕战，更加会全力抢攻，更多分析请浏览华体网sportscn.com务求喺球迷面前踢番场好波。
曼联今季成绩令人失望，最大问题都系喺防线上面，进攻球员嘅质素从来唔需要怀疑，王牌C朗拿度近3次上阵入5球，斗心同状态极有保证，艾兰加及拉舒福特等亦要把握机会争取表现，提早取悦下任主帅坦哈格，加上今仗哈利马古尼及劳基梳尔等守将缺阵，曼联只会踢得更开放，实行以攻为守。

宾福特作客同样进取
宾福特今季以升班球队姿态喺英超站稳阵脚，任务已超额完成，呢支以高昂斗志见称嘅球队，虽然接近护级成功，都冇放软手脚，继续大踢进攻足球。自丹麦中场基斯甸艾历臣加盟後，球队进攻立即被激活，前锋艾云东尼重拾信心，近4场作客取得3胜，对上5仗作客总入球全开3球或以上，唔怕同任何对手驳火，再开入球大机会甚高。