前线回勇后防冇改善
回勇嘅曼城周一凌晨作客阿士东维拉。「蓝月亮」近期火力返晒嚟，不过防守问题未改善，对住有进攻好手基亚利殊压阵嘅维拉，未必保得住清白之身，呢场好易开入球骚，吼中位数3.5球大盘。

（Now 621周一凌晨零时30分直播）

两支英联盃4强代表周中喺首回合赛事都有登场，曼城喺打吡战作客以3比1击败曼联，再次确立「蓝月亮」喺曼市嘅统治地位。查实曼城经过早期一段小低潮后，近况回勇，除加比尔捷西斯同奇云迪布尼连番担起球队入球重任之外，阿根廷前锋阿古路都已经伤愈复出，前线威力倍增，加上早前英足盃同英联盃赛事大放异彩嘅马列斯同菲尔科顿等攻击好手，领队哥迪奥拿不愁冇炮台。

不过，「蓝月亮」一直受后防问题困扰，喺冬季转会窗未有落实任何交易前，曼城中后场漏洞仍然未能改善，尤其每逢作客更加将问题放大。曼城近8场作客赛事得1场保持不失，合共失咗12球，作为前列球队呢个数字绝对唔合格。

维拉近6战5仗入波
维拉虽然联赛位列第17位，但由基亚利殊所领导嘅中前线威力不俗，上仗喺英联盃4强首回合面对劲敌李斯特城，维拉喺比赛场面被动嘅情况下依然入到波，可见反击效率唔讲得笑，计埋呢场波，佢哋近6战有5仗可以取得入球。对住同样锺意控球在脚而且后防又脆弱嘅曼城，维拉有本钱同曼城斗攻，中位数3.5球入球大唔好错过。