C组除曼城锁定首名外，萨克达、萨格勒布戴拿模同阿特兰大3队都有机会争次名。当中萨格勒布戴拿模今晚主场迎战曼城，主队想晋级除要赢波外，亦要寄望另一场萨克达同阿特兰大打和，好彩「蓝月亮」近期防线告急，戴拿模有机会完成「不可能任务」，受让半一下盘值捧。

（myTV Gold 303、Now 643、有线616及656台周四凌晨1时55分直播）

萨格勒布戴拿模赛前以5分排第3，晋级命运唔完全掌握係手，今场唯一目标就係全取3分先再算。查实戴拿模今届欧联主场表现唔曳，近5仗欧联主场取得3胜2和，而且场场都有波入，就算首循环作客吞曼城两蛋，都係到下半场先失守，唔係冇得打。曼城名气睇落赢晒，但近期陷入低潮，联赛连盃赛近4仗赢得1场，兼夹场场有失波，包括上仗「曼市打吡」1比2输畀曼联，当面对对手快速反击，曼城班后防完全无力招架。既然有得畀戴拿模「照抄」赢波方程式，随时有奇迹出现，下盘抵玩。

萨克达抢缰半场大唔兰
同时间开波嘅萨克达主场斗阿特兰大，以6分暂列小组第2嘅萨克达只要赢波即获出线资格，萨克达今届欧联踢法抢缰，开局频频同对手斗攻，近5场欧联4次半场开2球或以上。不过仲未绝望嘅阿特兰大亦非善男信女，喺欧联渐入佳境，近2场1胜1和擸4分，阵中有路尔斯梅利尔同艾真度高美斯等好手压阵，有本钱斗攻，中位数1.5球嘅半场大，属好路之选。

（Now 644、有线601及661台周四凌晨1时55分直播）