马德里体育今晚会喺D组终极一战主场对莫斯科火车头。马体会现时领先第3位嘅利华古逊1分，今场赢波就毋须理会另一场赛果，肯定以次名资格跻身16强。既然掌握出线主动权，估计今场会踢得进取，佢哋近3次欧洲赛对莫斯科火车头都赢2球或以上，今场让到球半／两球摆明有信心，照捧马体会上盘。

（Now 630、633及有线603台周四凌晨4时直播）

虽然马体会近期战力似有跌Watt，不过当中有好多场係作客赛事，佢哋近8场波有6场作客，搞到成绩滑落，犹幸主场仍有一定威力，除咗0比1仅负畀巴塞隆拿外，对上3场主场全部赢晒，近2场更以两球优势分别击败爱斯宾奴同毕尔包，锋力有保证。由于马体会已经一段时间冇迪亚高哥斯达、荷西基文尼斯、史提芬沙域同沙维积高，球队已经习惯晒，影响不大。

近3对赛全赢两球或以上
莫斯科火车头笃定以小组包尾过终点，无论实力及战意都难予人信心。翻查往绩，马体会过去3次对住火车头全胜，全部赢两球或以上，为免夜长梦多，相信马体会会务求尽快开纪录，彻底摧毁对手嘅抵抗力，主队让球半／两球，让到咁辣先至係信心保证。