Peter唔係一个只睇足球嘅人、唔係只懂得了解同欣赏足球，自己本身係一个热情嘅体育迷。Peter喜欢嘅体育，论名次排第1位嘅係棒球、跟住就係NBA、之后先到足球，最后係美式足球。
咁啱呢4大项体育，喺每年10月都同时间有得睇，好似欧洲各地主流联赛喺10月都踢到如火如荼。Peter至爱嘅棒球，嚟到10月就进行季后赛，仲要打足成个月先会产生「世界大赛总冠军」。
至于美式足球嚟到秋天9月左右，无论中学、大学还是职业，都係由星期四打到下星期一。NBA喺10月初已经进行季前赛，10月尾就会展开新一季常规赛，所以呢个礼拜国际足球赛期，虽然冇晒我哋熟悉嘅英超、西甲同意甲等赛事，但对Peter嚟讲仲好，因为可以多啲时间欣赏至爱嘅棒球。
MLB两大联盟，美国联盟同国家联盟现正进行准决赛，之后将会进行两大联盟嘅总决赛，再之后就会由两个联盟嘅冠军，争夺世界大赛冠军。因此，Peter每朝早上欣赏棒球都会忙得不亦乐乎，加上现时进行嘅世界杯欧洲区外围赛只是分组赛初头阶段，在看不透的情况下，不想提供一些「冇厘头」嘅博彩启示畀大家。
金句：10月有的是停不了的体育节目、各地联赛休息对我无影响。
