寻日讲完啱啱开锣嘅港超联，今日又同大家讲番英超，重头戏係尾场曼城主场对韦斯咸。
今季名帅哥迪奥拿高调转教曼城，「光头佬」之前教巴塞及拜仁均成绩斐然，无疑令人期待。另一边厢，韦斯咸领队比历虽薪酬远低于哥帅，但功力毫不逊色，呢位「摇滚教头」曾带领克罗地亚国家队杀入2008年欧国杯8强，上季转战英超接手韦斯咸更遇强愈强，每逢联赛对住曼市双雄、阿仙奴及利物浦等都保持不败，最终取得第7名，并爆出之前冇乜人识嘅法国中场皮耶，以「锤仔帮」嘅人脚，绝对係以蔗渣嘅价钱、踢出烧鹅嘅味道。睇埋今仗嘅赔率，曼城嘅主W只得1.2倍唔多值博，笔者觉得韦斯咸至少能保持不败，不妨小敲5.4倍嘅和波及9.5倍嘅客W。
每逢周末，好多街坊都会问笔者有冇足球贴士，老实讲联赛係一场长途赛，尤其是现时属季初阶段，对任何一队嚟讲，无论係赢、和、输都对争标形势未有太大影响，因此叁者都有可能发生。笔者比较喜欢「细水长流」，所以一早託咗英国嘅朋友，买咗约3倍嘅曼联夺英超冠军项目，单从头2轮可见，在新帅莫连奴率领下，红魔逐渐走谷底全面复甦，依家足智彩红魔嘅夺冠赔率仍有2.35倍，不妨一试。
