■沙兰迪兵工厂近况有好转，借助主场之利应该可以守和甘拿斯亚。

真係怀疑呢队沙兰迪兵工厂开季冇拜神切烧猪，上季仲好好哋排紧中上游，点知今季就搞成咁，喺阿甲排到29位嘅成绩并唔理想，好在佢哋近期稍有好转，遇番甘拿斯亚直情係连个天都想佢哋「反底」！（周五2，香港时间周六5:00am开赛）
唔使再睇「沙兵」季初嘅表现嘞，係掂嘅就唔会搞成咁啦，要睇就睇佢哋5月尾开始踢咗3场比赛，先喺主场同圣达菲联踢成平手，之后就赢北古斯路，最后作客葛度尔古斯亦力保不败，若果係劲旅有咁嘅成绩当然係唔合格啦，不过以一队排喺29位嘅球队嚟讲，取得1胜2和就係好转嘅先兆。
再睇埋塬来「沙兵」遇亲甘拿斯亚都唔係好蚀，尤其係主场近6次迎战对手赢足3次而未输过，有啲「格食格」嘅味道；再睇埋佢哋嘅赔率又未去到冷到令人捧唔落手嘅地步，稳阵少少信近况同往绩佔优嘅「沙兵」，可以喺主场迫和甘拿斯亚！（孙公）