■喺主场一向踢高一班波嘅莫迪应该可以轻取侯格辛特。

挪威超级联赛，夺标热门莫迪喺主场迎战侯格辛特，好大机会出现大屠杀场面，足智彩亦有先见之明，入球大得1.4倍，而莫迪主Win亦得1.16倍，咁就惟有拣莫迪开个1.6倍「让主」推介俾大家。（周五1，香港时间周六1:00am开赛）
莫迪队长维加特科伦停赛完毕可以复出，而前锋贺尔兰特亦都坐完波监，换言之人脚愈嚟愈完整，虽然门将尼兰特已转往德国联赛搵食，但係顶替佢嘅艾芬贺华夫相当可靠，故此对实力方面冇影响。侯格辛特已沉沦至联赛榜下游，开咧前亦冇喺转会市场招兵买马，睇嚟今季都要喺下游位置徘徊，适逢今仗对住夺标热门莫迪，想唔输都真係几难，足智彩开让球主客和，放心捧1.6倍「让主」。
同日美职圣荷西地震主场对侯斯顿戴拿模，主队刚签入芝加哥火燄前锋阿马历华，攻力大大提升，让平手、半球係全日笋盘，上盘有1.77倍要捧。（周五6，无綫网络电视301频道周六11:00am直播）（利添胜）