鹿角反客為主起飛腳

鹿角踢作客比賽特別醒神！
日職今日補賽爆發前列大戰，由「4哥」大阪飛腳主場硬撼「3哥」鹿島鹿角。兩大勁旅為爭上榜首，今仗一定搏到盡，不過鹿島鹿角係今季日職客場王，包括日前作客反勝柏雷素爾，將對方由榜首位置拉咗落嚟，挾聯賽作客7連勝嘅超強氣勢，有力再下一城，2.2倍客勝不容錯過。

（有線61及201台周三晚6時直播）
日職客場王7戰全勝
兩軍喺亞洲聯賽冠軍盃出局後，聯賽成績都重上正軌；大阪飛腳自亞冠分組賽被淘汰後，聯賽連日皇盃近7仗錄5勝1和1負，而鹿角亦絕不遜色，喺亞冠16強被ＦＣ廣州踢出局後，聯賽連日皇盃4戰全捷，箭頭柏度祖尼亞近4仗入4球，腳風奇順，依家鹿角只係落後「1哥」大阪櫻花兩分，而飛腳以1分緊隨鹿角之後，為爭殺上榜首戰意必堅。

雖然兩軍都弗，但鹿角目前形勢依然比飛腳略勝一籌，因為鹿角係日職「客場王」，今季開咧後7仗聯賽作客全勝，包括日前聯賽造訪原本排第1位嘅柏雷素爾，落後1球劣勢下反勝3比2，依家信心爆棚，作客飛腳都未驚過仲可以睇高一線，客勝咪走寶。