莫斯科打吡細盤好路
文:工廠仔
火車頭斯巴達對碰少交收
新一季俄超周六開鑼，今晚率先有場戲碼強勁嘅俄羅斯超級盃作為序幕戰，由俄羅斯盃冠軍莫斯科火車頭迎戰聯賽盟主莫斯科斯巴達。今場「莫斯科打吡」勢均力敵，兩隊近年交鋒多數係「一球上落」嘅緊湊激戰，近7次對碰6次總入球開2球或以下，今仗大細中位數調整至2/2.5球，照捧1.75倍入球細。
（周六凌晨2時30分開賽）
莫斯科火車頭上季聯賽成績低落，最後只排第8位，不過就勇奪俄盃冠軍。事實上，火車頭陣中擁有唔少猛將，當中包括巴西前鋒阿里，由克羅地亞球星哥魯卡領導嘅防線更加係實而不華，加上季前喺魯賓卡山挖走後衞索羅門卡域維利亞，更令球隊防守力大大提升。
莫斯科斯巴達陣中坐擁5名今夏有份踢洲際盃嘅俄羅斯國腳，實力當然毋庸置疑，防線亦有前德國國腳泰斯治同前意大利國腳保捷迪坐鎮，卡士十足！斯巴達雖貴為俄超勁旅，但係過去3次出戰俄超盃都未能奪冠，今仗自然會踢得更加小心，務求首嘗呢項賽事冠軍滋味。
新季球員未上力谷唔起
翻查兩隊近年交鋒，過去7次對賽兩隊各贏2次，另外有3次打和，形勢相當均等，不過留意到7次交鋒有6次總入球都係2球或以下，證明兩軍每次對賽都踢得分外謹慎。今仗係雙方新球季首場正式比賽，預計球員仍未上力，未必會放盡進攻，入球細係最佳選擇。