今晚压轴戏班霸拜仁慕尼黑主场迎击史浩克04，拜仁不足两日前至喺德国盃作客首都搏到加时惊险过关，球队目前兵源唔係咁充裕，匆匆再战好吃力，面对欠缺火力但斗志十足嘅史浩克，预期会係一场苦战，拜仁主场出击赢面当然较高，但未必可以轻鬆大胜，推介中位数3.5球细盘。
（on.cc东网周日凌晨1时30分直播）
双方主力门将齐复出
拜仁上轮德甲作客不敌利华古逊，喺积分榜不但已被多蒙特抛离7分，连次席位置亦畀慕逊加柏抢埋，今晚主场出击当然要追分，不过佢哋周四凌晨至喺德国盃作客首都，同哈化柏林激战120分钟至赢3比2，教练尼高高华一来唔想放弃德国盃，二来又冇乜轮换本钱，搞到多名主力包括罗拔利云度夫斯基、堤亚高艾简达拿同哥列斯卡等都搏足全场，要及时回气并唔容易，今晚未必够力全场抢攻。好在门神纽亚伤愈复出把关，球队喺佢缺阵下两仗共失5球，今晚有番佢压阵防线会稳阵好多。
至于史浩克亦啱啱踢完德盃，不过主场轻取杜塞尔多夫耗力冇咁多，少帅泰迪斯高喜欢重用新人，拚劲十足但组织进攻能力甚弱，今晚作客唔易攻破拜仁大门。泰迪斯高近仗重用嘅年轻门将纽布尔上轮被逐要停赛，黑柴认为呢个反而係好消息，皆因佢经验不足，过去3仗表现亦每况愈下，今仗停赛迫使教练用番费文把关，呢位队长为踢争气波必定打醒精神，拜仁想大胜难度更高。