阿仙奴有前冇后
今晚英超压轴大战曼城主场对阿仙奴，曼城今场让到球半/两球认真夸张，话晒阿仙奴都系Big6之一，唔通真系毫无还击之力？不过睇过阿仙奴上次灾难性输畀利物浦1比5，真系对兵工厂嘅防线冇乜信心，今场一于简单捧个3.5球中位数入球大，睇场好波开心过肥年。
（Now 621周一凌晨零时30分直播）
今次阿仙奴受让球半/两球，相信系马会开盘以来阿仙奴受让最多嘅一次，虽然兵工厂系英超Big6之一，但其实6队当中都有高低，尤其系阿仙奴嘅防线卡士完全不足，今季11场联赛作客全部都有失波，近19场联赛作客更系输左11场之多，斋睇呢个数字都觉得相当恐怖，曼城让咁多唔系冇原因。
兵工厂防线伤兵多
更令人担心嘅系，阿仙奴伤兵情况严重，尤其防线冇左哥斯尼、柏柏斯达夫普路斯、比利连及洛贺丁等人，要靠梅斯达菲、蒙利尔同列治史迪拿撑住条防线，令原来已经唔稳阵嘅防线更加千疮百孔，虽然呢个世界上牌面弱唔代表输硬，但阿仙奴从来唔系一支识得泊大巴嘅球队，亦甚少可以放低尊严踢擦鞋仔波，所以佢的今场想杀出条血路甚为困难。
不过，阿仙奴亦唔系完全冇优点，起码今季前线就交足功课，奥巴美扬同拿卡锡迪已合共交出25个入球，乐比唔太担心阿仙奴今场会冇波入，只系入埋都唔够防线输咁解，所以今场最佳玩法都系向大盘埋手。
另一边厢，曼城上周中意外不敌纽卡素，幸好利物浦亦失分不致被抛离，目前曼城落后榜首利物浦5分，真系一分都不能少。虽然曼城近期嘅表现好似有啲飘忽，不过佢的主场出击仍相当值得信赖，今季12场主场联赛射入40球，分分钟淨系靠自己都开到大，阿古路过往对住阿仙奴亦如鱼得水，对赛共入过7球，今场对住兵工厂条豆腐防线又系佢发威之时。