火力唔够 和波都掂
亚洲盃分组赛嚟到最后一轮，周二晚B组澳洲面对叙利亚。「袋鼠兵团」前线近期出现青黄不接嘅问题，攻力大不如前，加上呢场佢的打和就可以出线，宁愿以守代攻同叙利亚慢慢拉布，入波肯定唔慌多，中位数2.5球入球细唔好错过。
（Now 671周二晚9时30分直播）
澳洲不嬲靠「弹弓人」卡希尔数胡，可惜自从呢为前爱华顿前锋去年夏天踢完世盃宣布退出国家队后，队中接班人纳博特、占士麦卡伦同罗比古斯等表现都麻麻交唔足货，「袋鼠兵团」至今未揾到够卡士嘅入球专家，今届亚洲盃首战面对约旦就再次哑火，最终0比1输波收场，好彩上仗成功以3比0击败巴勒斯坦，呢场面对叙利亚和波都照样可以出线，肯定会踢得更保守。
约旦可胜巴勒斯坦
同时间开波嘅仲有巴勒斯坦对约旦，呢场比赛马会今日先会出赔率。小组两战全胜嘅约旦高踞B组榜首，已经提前锁定16强席位，而且一球都未失过，表现够硬淨，对付踢完两场未入过波嘅巴勒斯坦绝对绰绰有馀，睇好约旦以全胜姿态强势晋级。
（Now 672周二晚9时30分直播）