听朝有两场美职直播戏码，阿King认为几好路，早场FC辛辛那提主场迎战华盛顿联队值得留意，FC辛辛那提正宗「黄大仙」，有「球」必应，开咧后场场有失波，预计会与「华联」合演入球骚，中位数2.5球嘅大盘有计。
（myTV Gold 301、now 638、有线654及614台周五早上8时直播）
作为今季美职新军，东岸嘅FC辛辛那提明显经验不足，心口挂个勇字係咁冲，上月尾曾作客明尼苏达联惨败7个一皮，近期连赢两场，算係止住联赛6连败嘅颓势，但仍排紧东岸包尾。辛辛那提最大问题係防守坚弱鸡，连盃赛在内，开咧后22场全部都有失波，合共失咗47粒，曳到冇朋友。华联已经连续3场联赛未赢过，今仗遇弱一定趁机博反弹，但佢哋贵为东岸前列分子，今仗竟然受让边有咁笋呀？睇番华联射手朗尼近6场有披甲赛事入4粒，遇上有前冇后嘅辛辛那提，转捧2.5球嘅大盘更上算。
奥城伤兵多半场顶唔住
美职尾场波特兰伐木者主场对奥兰多城，伐木者主场特别抢缰，近4次喺自己地头出击，有3次在上半场取得领先优势，「奥城」唔单止有基斯甸希古达、沙恩奥尼尔受伤，当姆戴亚亦要坐波监，随时半场都顶唔住，半场主胜好路。最后係欧霸外围赛第1圈次回合，诺高平主场对圣巴特里，首回合诺高平赢2比0，今仗返主场你急佢唔急，可睇定先食，圣巴特里太弱无力收复失地，捧入球细好过。