前线升呢矢志争冠
今晚喺葡萄牙续有欧国联4强战，由荷兰火併英格兰。由于两军都有啱啱打完欧联决赛嘅球员，今仗未必夫添出击，不过荷兰喺今届欧国联全面升呢，英格兰亦矢志争冠，箭头哈利卡尼更请缨担正，为争入决赛势必驳火，2.5球嘅入球大不容错过。
（香港开电视77台、有线602及662台周五凌晨2时45分直播）
云迪积克有得抖
荷兰喺今届欧国联分组赛能力压法国同德国晋级，表现令人眼前一亮，尤其係阿积士孖宝法兰基迪庄同马菲斯迪历特，经过今届欧联洗礼后，表现愈来愈好，前者已畀巴塞签入，马菲斯迪历特亦受多间豪门垂青，连同喺里昂翻生嘅前曼联前锋迪比，令荷兰全面升呢。不过中坚华基尔云迪积克同中场韦拿杜姆，喺日前先为利物浦踢完欧联决赛，今场可能畀佢哋抖抖，对防守有一定影响。
哈利卡尼请缨担正
相比之下，英格兰有更多球员战罢欧联决赛，包括热刺主力哈利卡尼、迪利阿里、艾历迪亚、丹尼路斯，以及利物浦嘅祖高美斯、佐敦轩达臣及阿历山大阿诺特，相信主帅修夫基冇可能畀佢哋全部休息，而喺决赛输波兼冇料到嘅哈利卡尼，更自动请缨希望担正，证明自己状态冇问题，佢都好想为「三狮兵团」创历史首夺欧国联，弥补欧联失冠嘅遗恨。
睇番英格兰近2场对捷克及黑山轰10粒，史达宁及巴克里共入6球，连同多蒙特超新星查顿辛祖，有佢哋支援「哈神」唔愁入唔到波。但要留意，荷兰反击坚锐利，为争入决赛随时变斗攻格局，何况「三狮兵团」近5场比赛全开3球或以上，捧2.5球嘅入球大更上算。