美国靠小韦亚火力不足
波兰举行嘅世青盃，今晚进行次轮分组赛，其中D组嘅美国U20火併尼日利亚U20。美国首仗出闸脱脚，今仗不容再失，问题係前线仅得将门之后嘅添莫菲韦亚较标青，初段未必咬得入守得两嘴嘅「小超霸鹰」，半场和值得捧场。
（周二凌晨2时30分开赛）
美国U20今届阵容唔算曳，好多小将都外流欧洲，包括喺德国嘅巴迪史葛、基斯李察士、阿历士文迪斯等，但讲到名气最大，梗係1995年世界足球先生韦亚嘅囝囝添莫菲韦亚。效力巴黎圣日耳门嘅添莫菲韦亚，喺呢季季中被外借到些路迪，获得更多上阵机会，半季入咗3粒算唔错，美国U20亦靠佢孭飞，喺今届世青盃首轮对乌克兰U20更交出助攻，可惜落笔打三更输1比2，佢都独力难支，想出线今仗不容有失。
另一边厢，有曼城中场巴舒里奥助阵嘅尼日利亚U20，分组赛首轮以4比0轻取卡塔尔U20，但对手太弱未受考验，而且佢哋一向守强攻弱，喺年头5场U20非国盃赛事，法定时间仅得2胜3和，只入4粒兼全开半场和，最终「梗颈四」冲线，今仗和波冇坏，势必稳阵行先，半场和不妨追多铺。
乌拉圭赢即出线信得过
较早时间开波嘅C组赛事，洪都拉斯U20面对乌拉圭U20，前者首轮对住新西兰U20竟惨吞5蛋，肉酸到晕，相反乌拉圭则赢挪威U20，呢支南美劲旅已连续7届出战世青盃决赛周，其中近3届更两度杀入4强，今仗再赢即出线，直取让球客胜。
（周二凌晨零时开赛）