另一场H组赛事，日职冠军川崎前锋会作客斗澳职球队FC悉尼。前锋想出线今场许胜不许和，FC悉尼已无缘晋级，而且两日前先喺澳职总决赛同珀斯光辉踢足120分钟，战意及体力都比唔上前锋，前锋作客让一球照捧上盘。
（Now 672、有线613及653台周二晚6时直播）
前锋现以1分落后排第2嘅上海SP，由于对赛成绩不及上海SP，就算另一边厢上海SP输波，前锋和波都唔掂，所以今场前锋目标好鲜明，想出线必须全取3分。前锋今届2场作客分组赛虽然同以0比1输畀上海SP及蔚山现代，不过2场失波时间分别係89及90分钟，表现唔係冇还击之力，前锋近4场作客联赛全部赢晒，有助增强佢哋嘅比赛信心，吸取对上两次教训，相信今次唔会又再「临天光濑尿」。
悉尼搏完澳职总决赛软晒
FC悉尼今届亚冠盃分组赛5战未赢过，现以3分排包尾，由于对赛不敌上海SP，就算FC悉尼今场赢波、上海SP输波，FC悉尼亦肯定无缘出线，今场对主队嚟讲只係例行公事。更何况，FC悉尼两日前先喺澳职季后赛总决赛与珀斯光辉激战120分钟，最终凭互射12码第4度封王，体力上比起上周五提前出战日职嘅前锋输蚀。睇番FC悉尼近年喺亚冠盃对住日职球队都冇优势，近7次交锋只得2和5负，今场前锋作客让一球，波童建议捧上盘。